ವಿವ ನ್ಯೂಸ್ ಕನ್ನಡ - ಇದು ಸುದ್ದಿಗಳ ಡಬ್ಬಿ

1990ರಲ್ಲಿ ₹1 ಲಕ್ಷದ ಷೇರು ಖರೀದಿಸಿ ಮರೆತಿದ್ದ ಅಪ್ಪ, ಮಗನಿಗೆ ಜಾಕ್‌ಪಾಟ್‌, ಈಗಿನ ಮೌಲ್ಯ ಎಷ್ಟು ಕೋಟಿ ಗೊತ್ತಾ?

ಹೈಲೈಟ್ಸ್‌: ಮಾರುಕಟ್ಟೆಯಲ್ಲಿ 'ಖರೀದಿಸಿ ಮರೆತುಬಿಡಿ' ಎಂಬ ಮಾತಿಗೆ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಿದೆ ನಿದರ್ಶನ ಮಗನಿಗೆ ಸಿಕ್ಕಿವೆ 1990ರಲ್ಲಿ ತಂದೆ ಹೂಡಿಕೆ ಮಾಡಿ ಮರೆತು ಬಿಟ್ಟಿದ್ದ ಜೆಎಸ್‌ಡಬ್ಲ್ಯು ಸ್ಟೀಲ್‌ ಷೇರುಗಳು ತಂದೆ ಮಾಡಿದ್ದ 1 ಲಕ್ಷ ರೂ. ಹೂಡಿಕೆ ಮೌಲ್ಯ ಇದೀಗ ಬರೋಬ್ಬರಿ 80 ಕೋಟಿ ರೂ., ಮಗನಿಗೆ ಜಾಕ್‌ಪಾಟ್‌ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ ಈ ಸುದ್ದಿ, ಸಾರಿ ಹೇಳುತ್ತಿದೆ ದೀರ್ಘ ಹೂಡಿಕೆಯ ಮಹತ್ವ

ಮಾರುಕಟ್ಟೆಯಲ್ಲಿ 'ಸರಿಯಾದ ಷೇರು ಖರೀದಿಸಿ ಮರೆತುಬಿಡಿ' ಎಂಬ ಮಾತಿಗೆ ನಿದರ್ಶನ ಎಂಬಂತೆ, 1990ರಲ್ಲಿ ತಂದೆ ಹೂಡಿಕೆ ಮಾಡಿದ ಜೆಎಸ್‌ಡಬ್ಲ್ಯು ಸ್ಟೀಲ್‌ನ ಷೇರುಗಳು ಮೂರು ದಶಕಗಳ ಬಳಿಕ ಮಗನಿಗೆ ಸಿಕ್ಕಿವೆ. ತಂದೆ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿದ್ದು, ಈಗ ಅದರ ಮೌಲ್ಯ ಬರೋಬ್ಬರಿ 80 ಕೋಟಿ ರೂಪಾಯಿ ಆಗಿದೆ. ಈ ವಿಷಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಹೂಡಿಕೆಯ ಮಹತ್ವವನ್ನು ಸಾರಿ ಹೇಳುತ್ತಿದೆ.

ಷೇರು ಮಾರುಕಟ್ಟೆಯಲ್ಲಿ ಒಂದು ಮಾತಿದೆ, 'ಸರಿಯಾದ ಷೇರು ಖರೀದಿ ಮತ್ತು ಮರೆತುಬಿಡಿ' ಎಂಬುದು. ಅದಕ್ಕೆ ಕ್ಲಾಸಿಕ್‌ ಉದಾಹರಣೆಯೊಂದು ಇದೀಗ ಸಿಕ್ಕಿದೆ. 1990ರ ದಶಕದಲ್ಲಿ ತಂದೆ ಕೇವಲ 1 ಲಕ್ಷ ರೂ. ಹೂಡಿಕೆ ಮಾಡಿ ಜೆಎಸ್‌ಡಬ್ಲ್ಯು ಸ್ಟೀಲ್ (ಆಗ ಜಿಂದಾಲ್‌ ವಿಜಯನಗರ ಸ್ಟೀಲ್‌ ಪ್ರೈ. ಲಿ.) ಷೇರುಗಳನ್ನು ಖರೀದಿಸಿದ್ದರು. ಆದರೆ ಅದನ್ನು ಮರೆತು ಬಿಟ್ಟಿದ್ದರು. ಎಷ್ಟು ಮರೆತುಬಿಟ್ಟಿದ್ದರೆಂದರೆ, ಅವರಿಗೂ ನೆನಪಿರಲಿಲ್ಲ; ಮಗನಿಗೂ ಹೇಳಿರಲಿಲ್ಲ ಇದೀಗ ಆ ಷೇರು ಖರೀದಿ ಪ್ರಮಾಣಪತ್ರಗಳು ಮಗನ ಕೈಗೆ ಸಿಕ್ಕಿವೆ. ಅದೂ ಮೂರು ದಶಕಗಳ ಬಳಿಕ. ಈ ಮೂಲಕ ಮಗನಿಗೆ ನಿಧಿ ಸಿಕ್ಕಿದಂತಾಗಿದೆ. ಏಕಾಏಕಿ ಆತ ಕೋಟ್ಯಧಿಪತಿಯಾಗಿದ್ದಾನೆ. ಈ ವಿಷಯ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಸಮಯವೇ ಎಲ್ಲಕ್ಕಿಂತ ಶಕ್ತಿಶಾಲಿ ಹೂಡಿಕೆ ಎಂದು ಮತ್ತೊಮ್ಮೆ ಸಾಬೀತಾಗಿದೆ. ಸೌರವ್ ದತ್ತಾ ಎಂಬವರು ಈ ವಿಚಾರವನ್ನು ಬಹಿರಂಗಪಡಿಸಿದ್ದಾರೆ. ಜೊತೆಗೆ ಮೂಲ ಪ್ರಮಾಣಪತ್ರಗಳ ಚಿತ್ರಗಳನ್ನೂ ಎಕ್ಸ್‌ನಲ್ಲಿ ಹಂಚಿಕೊಂಡಿದ್ದಾರೆ. "ರೆಡ್ಡಿಟ್‌ನಲ್ಲಿರುವ ವ್ಯಕ್ತಿಯೊಬ್ಬರು 1990ರ ದಶಕದಲ್ಲಿ ಅವರ ತಂದೆ 1 ಲಕ್ಷ ರೂ.ಗಳಿಗೆ ಖರೀದಿಸಿದ ಜೆಎಸ್‌ಡಬ್ಲ್ಯು ಷೇರುಗಳನ್ನು ಕಂಡುಹಿಡಿದಿದ್ದಾರೆ," ಎಂದು ಬರೆದುಕೊಂಡಿದ್ದಾರೆ. ಸೌರವ್‌ ದತ್ತಾ ಅವರು ಈ ಷೇರುಗಳ ಪ್ರಸ್ತುತ ಮೌಲ್ಯವನ್ನು ಲೆಕ್ಕ ಹಾಕಿದ್ದಾರೆ. ಹಾಗೆ ಲೆಕ್ಕ ಹಾಕಿದಾಗ ಬಂದ ಮೊತ್ತ ಬರೋಬ್ಬರಿ 80 ಕೋಟಿ ರೂಪಾಯಿ. ಇದನ್ನು ನೋಡಿ ಅವರು, 'ಖರೀದಿಸಿ 30 ವರ್ಷಗಳ ನಂತರ ಮಾರಾಟ ಮಾಡಿ' ಎಂದು ಘೋಷಿಸಿದ್ದಾರೆ. ಜೆಎಸ್‌ಡಬ್ಲ್ಯು ಸ್ಟೀಲ್ ಲಿ. ಷೇರು ಪ್ರಸ್ತುತ 1,006.45 ರೂ.ನಲ್ಲಿ ವಹಿವಾಟು ನಡೆಸುತ್ತಿದೆ. ಸೋಮವಾರ ಕೂಡ ಷೇರು 1.55 ರೂ. ಅಥವಾ ಶೇ. 0.15ರಷ್ಟು ಏರಿಕೆ ಕಂಡಿದೆ. ಇದಕ್ಕೆ ಹಲವರು ಪ್ರತಿಕ್ರಿಯೆಗಳನ್ನು ಕೂಡ ನೀಡಿದ್ದಾರೆ. 80 ಕೋಟಿ ರೂ.ಗಳಿಗೆ ಎಷ್ಟು ತೆರಿಗೆ ವಿಧಿಸಲಾಗುತ್ತದೆ? ಎಂದು ಒಬ್ಬರು ಪ್ರಶ್ನಿಸಿದ್ದು ಬಹುಶಃ ಶೇ. 30ರಷ್ಟು ಇರಬಹುದು ಎಂದು ಹೇಳಿದ್ದಾರೆ. ಶೇ. 30ರಷ್ಟು ತೆರಿಗೆ ಎಂದರೆ 24 ಕೋಟಿ ರೂ. ಆಗುತ್ತದೆ. ಷೇರು ಮಾರುಕಟ್ಟೆ 1990ರಲ್ಲಿ ₹1 ಲಕ್ಷದ ಷೇರು ಖರೀದಿಸಿ ಮರೆತಿದ್ದ ಅಪ್ಪ, ಮಗನಿಗೆ ಜಾಕ್‌ಪಾಟ್‌, ಈಗಿನ ಮೌಲ್ಯ ಎಷ್ಟು ಕೋಟಿ ಗೊತ್ತಾ? ಮಾರುಕಟ್ಟೆಯಲ್ಲಿ 'ಸರಿಯಾದ ಷೇರು ಖರೀದಿಸಿ ಮರೆತುಬಿಡಿ' ಎಂಬ ಮಾತಿಗೆ ನಿದರ್ಶನ ಎಂಬಂತೆ, 1990ರಲ್ಲಿ ತಂದೆ ಹೂಡಿಕೆ ಮಾಡಿದ ಜೆಎಸ್‌ಡಬ್ಲ್ಯು ಸ್ಟೀಲ್‌ನ ಷೇರುಗಳು ಮೂರು ದಶಕಗಳ ಬಳಿಕ ಮಗನಿಗೆ ಸಿಕ್ಕಿವೆ. ತಂದೆ 1 ಲಕ್ಷ ರೂಪಾಯಿ ಹೂಡಿಕೆ ಮಾಡಿದ್ದು, ಈಗ ಅದರ ಮೌಲ್ಯ ಬರೋಬ್ಬರಿ 80 ಕೋಟಿ ರೂಪಾಯಿ ಆಗಿದೆ. ಈ ವಿಷಯ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಹೂಡಿಕೆಯ ಮಹತ್ವವನ್ನು ಸಾರಿ ಹೇಳುತ್ತಿದೆ.