ಆಪಲ್ ಫ್ಯಾಕ್ಟರಿ ತೆರೆಯಬೇಡಿ, ನೀವು ಭಾರತವನ್ನು ಕಟ್ಟಬೇಡಿ: ಟಿಮ್ ಕುಕ್ಗೆ ಟ್ರಂಪ್ ಸಲಹೆ!
ದೋಹಾ: ಭಾರತದಲ್ಲಿ ಆಪಲ್ ಫ್ಯಾಕ್ಟರಿ ತೆರೆಯುವುದು ನನಗೆ ಇಷ್ಟ ಇಲ್ಲ ಎಂದು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ.
ಕತಾರ್ನಲ್ಲಿ ಮಾತನಾಡಿದ ಅವರು, ಆಪಲ್ ಸಿಇಒ ಟಿಮ್ ಕುಕ್ ನನ್ನ ಸ್ನೇಹಿತ. ಆದರೆ ಅವರ ಜೊತೆ ನನಗೆ ಸಣ್ಣ ಸಮಸ್ಯೆಯಿದೆ. ಆಪಲ್ 500 ಬಿಲಿಯನ್ ಡಾಲರ್ ಗಳಿಸುತ್ತಿದೆ. ಆದರೆ ಭಾರತದಲ್ಲಿ ಫ್ಯಾಕ್ಟರಿ ನಿರ್ಮಿಸುವುದನ್ನು ನಾನು ಬಯಸುವುದಿಲ್ಲ. ಯಾಕೆಂದರೆ ಭಾರತ ಹೆಚ್ಚು ಸುಂಕ ವಿಧಿಸುವ ದೇಶಗಳಲ್ಲಿ ಒಂದಾಗಿದೆ. ಅಲ್ಲಿ ಸರಕುಗಳನ್ನು ಮಾರಾಟ ಮಾಡುವುದು ಕಷ್ಟ ಎಂದು ಹೇಳಿದರು.
ಭಾರತ ಸರಕುಗಳ ಮೇಲೆ ಯಾವುದೇ ಸುಂಕವನ್ನು ವಿಧಿಸುವುದಿಲ್ಲ ಎಂದು ಹೇಳಿದೆ. ಆದರೆ ಇಲ್ಲಿಯವರೆಗೆ ಸುಂಕ ಕಡಿತದ ಘೋಷಣೆ ಮಾಡಿಲ್ಲ. ಆಪಲ್ ಚೀನಾದಲ್ಲಿ ನಿರ್ಮಿಸಿದ ಎಲ್ಲಾ ಫ್ಯಾಕ್ಟರಿಗಳನ್ನು ನಾವು ಸಹಿಸಿಕೊಂಡಿದ್ದೇವೆ. ಭಾರತದಲ್ಲಿ ಫ್ಯಾಕ್ಟರಿ ನಿರ್ಮಾಣ ಮಾಡುವುದು ನಮಗೆ ಆಸಕ್ತಿ ಇಲ್ಲ ಎಂದರು.
ಅಮೆರಿಕ ಚೀನಾದ ಮೇಲೆ ಸುಂಕ ಸಮರ ಆರಂಭಿಸಿದ ಬಳಿಕ ಆಪಲ್ ಭಾರತದಲ್ಲಿ ಹೂಡಿಕೆ ವಿಸ್ತರಿಸಲು ಮುಂದಾಗಿತ್ತು. ಹೂಡಿಕೆ ವಿಸ್ತರಿಸುವ ಸಮಯದಲ್ಲೇ ಟ್ರಂಪ್ ಅವರಿಂದ ಈ ಅನಿರಿಕ್ಷಿತ ಹೇಳಿಕೆ ಬಂದಿದೆ.
ಅಮೆರಿಕ ಚೀನಾದ ಮೇಲೆ ಸುಂಕ ಸಮರ ಆರಂಭಿಸಿದ ಬಳಿಕ ಆಪಲ್ ಭಾರತದಲ್ಲಿ ಹೂಡಿಕೆ ವಿಸ್ತರಿಸಲು ಮುಂದಾಗಿತ್ತು. ಹೂಡಿಕೆ ವಿಸ್ತರಿಸುವ ಸಮಯದಲ್ಲೇ ಟ್ರಂಪ್ ಅವರಿಂದ ಈ ಅನಿರಿಕ್ಷಿತ ಹೇಳಿಕೆ ಬಂದಿದೆ.
ಮುಂದಿನ ದಿನಗಳಲ್ಲಿ ಅಮೆರಿಕದಲ್ಲಿ ಮಾರಾಟವಾಗುವ ಹೆಚ್ಚಿನ ಐಫೋನ್ಗಳು ಭಾರತದಲ್ಲಿ ತಯಾರಾಗಲಿದೆ ಎಂದು ಟಿಮ್ ಕುಕ್ ತಿಳಿಸಿದ್ದರು.
ಪ್ರಸ್ತುತ ಭಾರತದ ಮೂರು ಘಟಕಗಳಲ್ಲಿ ಆಪಲ್ ಉತ್ಪನ್ನಗಳು ತಯಾರಾಗುತ್ತಿವೆ. ತಮಿಳುನಾಡಿನ ಎರಡು ಕಡೆ ಮತ್ತು ಕರ್ನಾಟಕದಲ್ಲಿ ಘಟಕ ತೆರೆದಿದ್ದು ಈ ಪೈಕಿ ಒಂದು ಫಾಕ್ಸ್ಕಾನ್ ನಿರ್ವಹಣೆ ಮಾಡುತ್ತಿದ್ದರೆ ಎರಡನ್ನು ಟಾಟಾ ಗ್ರೂಪ್ ನಿರ್ವಹಿಸುತ್ತಿದೆ. ಇನ್ನೂ ಎರಡು ಆಪಲ್ ಘಟಕ ತೆರೆಯುವ ಸಂಬಂಧ ಮಾತುಕತೆ ನಡೆಸಯುತ್ತಿದೆ.
ಮಾರ್ಚ್ಗೆ ಕೊನೆಗೊಂಡ ಕಳೆದ ಆರ್ಥಿಕ ವರ್ಷದಲ್ಲಿ, ಆಪಲ್ ಭಾರತದಲ್ಲಿ 22 ಬಿಲಿಯನ್ ಡಾಲರ್ ಮೊತ್ತದ ಐಫೋನ್ ಉತ್ಪಾದನೆ ಮಾಡಿತ್ತು. ಹಿಂದಿನ ಹಣಕಾಸು ವರ್ಷಕ್ಕೆ ಹೋಲಿಸಿದರೆ ಉತ್ಪಾದನೆಯಲ್ಲಿ 60% ರಷ್ಟು ಹೆಚ್ಚಳವಾಗಿದೆ.
ಇತರೆ ಸುದ್ದಿಗಳು
.jpeg)
