ವಿವ ನ್ಯೂಸ್ ಕನ್ನಡ - ಇದು ಸುದ್ದಿಗಳ ಡಬ್ಬಿ

ಚಳಿಗಾಲ ಮತ್ತು ಆರೋಗ್ಯ

ಚಳಿಗಾಲ ಬಂತೆಂದರೆ ಅದೊಂದು ಹಿತವಾದ ಅನುಭವ. ಅದರ ಜೊತೆಗೆ ಕಾಡುವ ಮತ್ತೊಂದು ಸಮಸ್ಯೆ ಎಂದರೆ ಆರೋಗ್ಯ ಸಮಸ್ಯೆ. ಅದರಲ್ಲೂ ಪ್ರಮುಖವಾಗಿ ವಿಟಮಿನ್ ಸಿ ಮತ್ತು ಡಿ ಕೊರತೆ ಬಹುವಾಗಿ ಕಾಡೋದೆ ಇದೇ ಚಳಿಗಾಲದಲ್ಲಿ. ಬೆಂಗಳೂರಿನಂತ ಯಾಂತ್ರಿಕೃತ ಜೀವನ ನಡೆಸುವ ಉದ್ಯೋಗಿಗಳಲ್ಲಿ ಬಹುವಾಗಿ ಆರೋಗ್ಯ ಸಮಸ್ಯೆಗಳು ಕಾಡತೊಡಗುತ್ತವೆ‌. ಸದಾ ಹವಾನಿಯಂತ್ರಿತ ಆಫೀಸಿನಲ್ಲಿ ಕುಳಿತು ಹಗಲಿರುಳೆನ್ನದೇ ದುಡಿಯುವ ಕೈಗಳಿಗೆ ಕೆಲವೊಂದು ಉಪಯುಕ್ತವಾದ ಆರೋಗ್ಯ ಸಲಹೆ ಈ ಮಾಲಿಕೆಯದು.

ಚಳಿಗಾಲದಲ್ಲಿ ಶೀತಶಮನಗೊಳಿಸುವ ಬೆಚ್ಚನೆಯ ಉಡುಪುಧರಿಸುವಿಕೆ ಪ್ರಾಥಮಿಕ ಹಂತ. ಸೇವಿಸುವ ಆಹಾರದಲ್ಲಿ ಸಸ್ಯಹಾರ ಸಾಕಷ್ಟು ಪ್ರಮಾಣದಲ್ಲಿರಲಿ. ತರಕಾರಿ , ಸೊಪ್ಪು ಮೊಳಕೆಯೊಡೆದ ಕಾಳುಗಳ ಸೇವನೆ ಅವಶ್ಯ. ಆದಷ್ಟು ಮಾಂಸ ಆಹಾರದ ಸೇವನೆ ಮಿತವಾಗಿರಲಿ. ಹಣ್ಣುಗಳಲ್ಲಿ ಕಿತ್ತಳೆ ಕಿವಿಪ್ರೂಟ್ಸ್ ದ್ರಾಕ್ಷಿಹಣ್ಣುಗಳು ಸೇವಿಸುವುದರಿಂದ ದೇಹದ ಸಮಶೀತೋಷ್ಣವನ್ನು ಕಾಪಿಡಬಹುದು. ಇದೇ ಸಂದರ್ಭದಲ್ಲಿ ದೇಹದಲ್ಲಿ ನೀರಿನ ಅಂಶ ಕಡಿಮೆಯಾಗಿರುತ್ತದೆ. ದೇಹ ಡಿಹೈಡ್ರೇಟ್ಡ್ ಆಗುವ ಸಂಭವ ಹೆಚ್ಚು‌. ಬಾಯಾರಿಕೆ ಇಲ್ಲದಿರುವುದು ಸಹಜ ಆದರೆ ನಿಯಮಿತವಾಗಿ ನೀರಿನ ಸೇವನೆ, ಹಾಗೂ ದ್ರವ ರೂಪದ ಹಣ್ಣಿನ ರಸಗಳ ಸೇವೆನೆಯನ್ನು ಸೇವಿಸಬೇಕು. ವಯೋವೃದ್ಧರಲ್ಲಿ ಕಾಣುವ ಸಂಧು ವಾತಗಳಂತಹ ಸಮಸ್ಯೆಗಳಿಗೆ ಬೆಳಗಿನ ಸೂರ್ಯಕಿರಣ ರಾಮಬಾಣ.