ವಿವ ನ್ಯೂಸ್ ಕನ್ನಡ - ಇದು ಸುದ್ದಿಗಳ ಡಬ್ಬಿ

ತಾಳಿಕೋಟಿ ನಗರದಲ್ಲಿ ಪುರಸಭೆಯ ವಾಣಿಜ್ಯ ಮಳಿಗೆಗಳ ಬಹಿರಂಗ ಹರಾಜು ಪ್ರಕ್ರಿಯೆ ಮಂಗಳವಾರ ಪುರಸಭೆ ಸಭಾಭವನದಲ್ಲಿ �

ಒಟ್ಟು 51 ಮಳಿಗೆಗಳ ಲೀಲಾವು ನಡೆದಿದ್ದು, ಸಾಮಾನ್ಯ ವರ್ಗಕ್ಕೆ 39, ಪರಿಶಿಷ್ಟ ಜಾತಿಗೆ 7, ಪರಿಶಿಷ್ಟ ಪಂಗಡಕ್ಕೆ 2 ಹಾಗೂ ವಿಕಲಚೇತನರಿಗೆ 3 ಮಳಿಗೆಗಳನ್ನು ಹರಾಜು ಮಾಡಲಾಯಿತು.

ಸರಾಸರಿ 25 ರಿಂದ 30 ಸಾವಿರ ರೂ. ಮಾಸಿಕ ಬಾಡಿಗೆಯಂತೆ ಮಳಿಗೆಗಳು ಲೀಲಾವು ಆಗಿದ್ದು, ಕೆಲವೊಂದು ಅಂಗಡಿಗಳಲ್ಲಿ ಅಲ್ಪ ಮಟ್ಟದ ಗೊಂದಲಗಳಾದರೂ, ಇಡೀ ಪ್ರಕ್ರಿಯೆ ಮಾನ್ಯ ಜಿಲ್ಲಾಧಿಕಾರಿಗಳ ಪರಿಷ್ಕೃತ ದರ ಅನುಮೋದನೆ ಆದೇಶ ಕ್ರಮ ಸಂಖ್ಯೆ ಜಿನಿಕೊ-5 ರಂತೆ ನಿಯಮಾನುಸಾರವಾಗಿ ಜರುಗಿತು.

ಲೀಲಾವಿನ ಪ್ರಕ್ರಿಯೆಯನ್ನು ಪುರಸಭೆ ಸಿಬ್ಬಂದಿ ಇಬ್ರಾಹಿಂ ಮಕಾಂದಾರ ಅವರು ಮುಖ್ಯಾಧಿಕಾರಿ ಸಂತೋಷ ಪವಾರ ಹಾಗೂ ಕಾನೂನು ಸಲಹೆಗಾರ ನ್ಯಾಯವಾದಿ ವಿಶ್ವನಾಥ ಮದರ್ಕಲ್ ಅವರ ಮಾರ್ಗದರ್ಶನದಲ್ಲಿ ಶಿಸ್ತಿನಿಂದ ನಡೆಸಿದರು.

ಈ ವೇಳೆ ಪುರಸಭೆ ಅಧ್ಯಕ್ಷೆ ಶ್ರೀಮತಿ ಜುಬೇದಾ ಹುಸೇನಬಾಷಾ ಜಮಾದಾರ, ಸದಸ್ಯರಾದ ಮುತ್ತಪ್ಪ ಚಮಲಾಪೂರ, ಪರಶುರಾಮ ತಂಗಡಗಿ, ಅಕ್ಕಮಹಾದೇವಿ ಕಟ್ಟಿಮನಿ, ಮಲ್ಲಿಕಾರ್ಜುನ ಪಟ್ಟಣಶೆಟ್ಟಿ, ಅಣ್ಣಪ್ಪ ಜಗತಾಪ, ನಿಂಗಣ್ಣ ಕುಂಟೋಜಿ, ಮುಸ್ತಫಾ ಚೌಧರಿ ಹಾಗೂ ನಿವೃತ್ತ ಪೊಲೀಸ್ ವರಿಷ್ಠಾಧಿಕಾರಿ ಎಸ್.ಬಿ. ಕಟ್ಟಿಮನಿ ಉಪಸ್ಥಿತರಿದ್ದರು.

ಹರಾಜು ವೇಳೆ ಪುರಸಭೆ ಮಾಜಿ ಸದಸ್ಯರಾದ ಪ್ರಭುಗೌಡ ಮದರ್ಕಲ್, ಪ್ರಕಾಶ ಹಜೇರಿ, ಮಾನಸಿಂಗ್ ಕೊಕಟನೂರ, ಸುರೇಶ ಹಜೇರಿ ಸೇರಿದಂತೆ ಹಲವರು ಹಾಗೂ ಬಿಡ್‌ದಾರರು ಉಪಸ್ಥಿತರಿದ್ದರು.